Бөгөн – көтөп алынған Бөйөк Еңеүҙең 70 йыллығы. Беҙ тағы ла батырҙарҙы хәтергә алабыҙ, яуҙа ҡатнашҡандарҙы һәм тыл хеҙмәтсәндәрен ҡотлайбыҙ. Республика­быҙ­ҙан 700 меңдән ашыу кеше Бөйөк Ватан һуғышы яландарында алышҡан, уларҙың яр­тыһы тиерлек яуҙа башын һалған. 248 яҡ­та­шыбыҙ Советтар Союзы Геройы тип та­нылған. Легендар осоусы-штурмлаусы Муса Гәрәев – ике тапҡыр Герой. 45-е – Дан орденының тулы кавалеры.
Ҡыҙыл Армияның бер ниндәй ҡоро ер хәр­би подразделениеһында ла беҙҙең данлыҡлы 112-се Башҡорт кавалерия дивизияһындағы кеүек 78 Советтар Союзы Геройы булмаған.
Яу йылдарында республика илдең иң мө­һим тылдарының береһенә әйләнгән. Баш­ҡортостандан 450 мең кеше “1941 – 1945 йыл­дарҙағы Бөйөк Ватан һуғышындағы фиҙа­кәр хеҙмәте өсөн” миҙалы менән наградланған.
Љәҙерле ветерандар, һеҙҙең өлөш­кә ауыр һы­науҙар һәм юғал­тыу­ҙар тура кил­гән, әммә улар­ға ҡаршы тора алған­һы­ғыҙ һәм еңгән­һегеҙ. Йәштәр батырлығығыҙ менән ғорурлана. Ћеҙгә бәхет, ныҡлы сәләмәтлек, яҡшы кәйеф, яҡындарығыҙ тарафынан йылы хәстәрлек теләп, барлыҡ изге һүҙҙәребеҙҙе еткерәбеҙ.