Башҡортостан Фәндәр академияһының күргәҙмә залында “Севастополь! Ҡырым! Еңеү!” фотокүргәҙмәһе асылды. Уның авторы, “Башинформ” мәғлүмәт агентлығының фотохәбәрсеһе Олег Яровиков, экспозицияны Бөйөк Ватан һуғышында Еңеүҙең 70 йыллығына арнаған.

Һүрәттәрҙең барыһы ла Ҡы­рым Республикаһында төшө­рөл­гән. Фотохәбәрсе унда Баш­ҡорт­остан Хөкүмәтенең Белогорск районына ярҙам күрһәтеү буйынса оператив штабы составында барғайны. Былтыр апрел­дә Олег Яровиков Ҡырым Рес­публикаһына Баш­ҡорт­ос­тан­дан гуманитар йөктө оҙа­тыусылар сафында булды. Ошо уҡ йылдың 9 майында уға Севастополгә лә юл төштө. Был мәлдә ярымутрау халҡы Ҡы­рым­ды һәм Севастополде фашис­тарҙан азат итеүҙең 70 йыллығын байрам итә ине.
Фотохәбәрсе күргәҙмәгә килеү­селәргә Севастополдә ни бары бер сәғәткә генә туҡталыуы, байрамды, уның иң сағыу мәлдәрен, кешеләрҙең бәхетле йөҙҙәрен фотоға төшөрөргә тырышыуы хаҡында һөйләне.
Иҫтәлекле күргәҙмә май аҙағына тиклем дауам итә.