Республиканың төньяҡ-көнсығыш һәм көньяҡ-көнсығыш райондарында Бәләкәй эшҡыуарлыҡтың инвестиция башланғыстарына ярҙам фонды төҙөлә.

Күптән түгел Асҡын ауылында уҙғарылған семинар-кәңәшмәлә Башҡортостандың Эш­ҡы­уарлыҡ һәм туризм буйынса дәүләт ко­ми­те­ты рәйесе Вячеслав Ғиләжетдинов ошо турала хәбәр итте. Уның әйтеүенсә, был би­лә­мәләрҙә проект тәүләп эшләйә­сәк.
– Бәләкәй эшҡыуарлыҡ субъекттарына 100 – 500 мең һум күләмендә льготалы заем биреү рәүешендә дәүләт ярҙамы күрһәте­ләсәк. Бының өсөн проекттарҙы муниципаль һәм республика кимәлендә һайлап алыу күҙал­лана. Эшҡыуарлыҡ һәм туризм буйынса дәүләт комитеты ҡарамағындағы махсус комиссия проекттарҙы тикшереп, ярҙам сараларын билдәләйәсәк. Комиссия ултырышында авторҙар тәҡдим иткән башланғыстарын яҡлаясаҡ, — тине Вячеслав Ғиләжетдинов.
Фондты дәүләт-шәхси партнерлыҡ алымын файҙаланып төҙөү күҙаллана. Тәүҙә уға төбәк ҡаҙнаһынан 5 миллион һум аҡса бүлеү, шулай уҡ бюджеттан тыш сығанаҡтар иҫәбенә туплау ҡарала.