Китап та, гәзит-журнал да бер кешенең генә түгел, ә тиҫтәләгән һөнәр эйәһенең көсө менән барлыҡҡа килә. Яңыраҡ дөйөм эштә хеҙмәте күҙгә күренеп бармаған уңғандарға Рәсәй Элемтә һәм киң коммуникациялар министрлығының Почет грамоталары тапшырылды.

Марат Юнысов тиҫтә йылдан ашыу Асҡын районының “Надежда” редакция-нәшер итеү комплексының техник мөхәррире булып эш­ләй. Уңған уҙаманды коллективта намыҫлы, үҙ эшенә яуаплы ҡараған, заман технологияларын яҡшы белгән кеше булараҡ хөрмәт итәләр.
Зәйнәб Биишева исемендәге Башҡортос­тан “Китап” нәшриәтенән өс ханым юғары бү­ләк­кә лайыҡ булды. Илеш районында ты­уып үҫкән Гөлшат Абдуллина әҙәбиәт секто­ры мө­дире вазифаһын башҡара. Рес­публи­кала та­тар мәктәптәре өсөн дәреслектәр, әҙәби ки­таптар нәшер итеүгә ҙур тырышлыҡ һала ул. Эльви­ра Хәй­ретдинова, Эльви­ра Ниғ­мә­тул­ли­на ла ошо уҡ ойошмала хеҙмәт итә. Бүләк­ләнеүсе­ләр араһында “Йәш­лек” гәзи­те­нең йы­йыу операторы Рәмилә Тайсинова ла бар.
Республиканың матбуғат һәм киң мәғлү­мәт саралары агентлығы етәксеһе Борис Мелкоедов уңған­дарҙы тәбрикләп, уларға уңыштар теләне.