Республиканың төрлө ҡала-райондарындағы мәғариф учреждениеларында өҫтәмә белем биргән
51 уҡытыусы “Йыл педагогы-2015” конкурсында һынау тотто.

Бәйгеселәр төрлө номинациялар буйынса көс һынашты, үҙенең белем биреү, һөнәргә өйрәтеү алымдары менән уртаҡлашты, фе­кер алышты. Улар араһынан, мәҫәлән, Ҡари­ҙелдән килгән Данил Зарипов райондың ба­ла­лар сәнғәт үҙәгендә 25 йыл эшләй, уҡыу­сыларҙы һүрәт төшөрөргә өйрәтә, дүрт түңә­рәк алып бара.
– Конкурс ижадташ дуҫтарым менән арала­шыу мөмкинлеген бирҙе, – ти ул. – Йәштәр ошондай бәйгеләрҙә ҡатнашырға тырышһын ине.
Конкурс һөҙөмтәһе буйынса ете уҡытыусы беренсе урынға лайыҡ булды. Улар араһын­да Стәрлетамаҡ ҡалаһынан декоратив биҙәү-ҡулланма сәнғәте серҙәрен өйрәткән остаз Ләйлә Ғәзизова ла бар.
– Балалар менән тире эшкәртеп, һалам­дан аппликациялар яһайбыҙ, – ти ул. – Бер­гә­ләп йомшаҡ уйынсыҡтар ҙа тегәбеҙ. Бала­ларҙың һәр шөғөлдө ҙур теләк менән өйрәнеүе – илһамлы хеҙмәттең төп сере.