70 йыллығын билдәләгәндә бер ветеран да иғтибарҙан ситтә ҡалырға тейеш түгел. Иң мөһиме — өлкән йәштәгеләргә лайыҡлы хөрмәт күрһәтеү”, — тине республика Башлығы Рөстәм Хәмитов, байрам сараларын ойоштороу комитетының сираттағы ултырышын асып.

Етәксе билдәләүенсә, иҫтәлекле урындар, һәйкәлдәр, обелисктар тәртипкә килтере­лер­гә тейеш. Бының өсөн һәр ҡала һәм район хакимиәте башлығы шәхсән яуап бирәсәк. Рөстәм Зәки улы байрамға формаль рәүештә ҡарамаҫҡа, әҙерлекте күңел биреп баш­ҡарырға саҡырҙы.
Артабан ултырышта Башҡортос­тан­дың хәрби комиссары Анатолий Балтинский, республиканың хеҙмәт һәм ха­лыҡты социаль яҡлау министры Ленара Иванова, мәҙәниәт министры Әминә Шафиҡова сығыш яһаны. Сарала онлайн режимда район-ҡала хакимиәттәре вәкилдәре лә ҡатнашты.