Үҫемлектең төҫөнә ҡарап, уға ниндәй ашлама кәрәклеген белеп була.
• Әгәр азот етмәһә, уның япраҡтары аҡһыл төҫкә инә, һарғая, ҡойола, насар үҫә, бәләкәй булып ҡала.
• Фосфорға мохтажлыҡ булһа, үҫемлек япрағы ҡара-йәшел, күкһел төҫкә инә, ҡыҙғылт таптар барлыҡҡа килә. Ҡорой, һар­ғылт төҫкә инеп ҡарая, емеше си­фатһыҙ була.
• Азот менән фосфорға мохтажлыҡ кисерһә, ғәҙәттәгесә сәскә атып, һер­кәләнгәндә сәскә аналығы ҡойола.
• Калий ашламаһы етешмәгәндә япраҡ уртаһы бер аҙ ҡытыршылана, бөгәрләнә, ялтырауыҡлы ҡыҙғылт таптар хасил була, ситтәре һарғая, һорғолт таптар барлыҡҡа килә. Иң өҫтәге үҫеш бөрөһө, тамыры зарарлана. Үҫемлектең калийға ҡытлыҡ билдәләре тәүҙә аҫҡы ботаҡтағы япраҡтан күренә.
• Магний элементына мох­тажлыҡ кисерһә, яп­раҡ­тар аҡһыл-йәшел төҫкә инә. Япраҡ һөлдәләре, епсә­ләре араһында хлороз барлыҡҡа килә.
• Бор етешмәһә, үҫеш нөктәһе ҡорой — сәскә атмай.