Был көндөң тарихы XIX быуатҡа барып тоташа. Америкала Джон Мортон тигән кеше сүлле Небраска штатына күсенә. Унда үҫкән һирәк-һаяҡ ағастар ҙа өй һалыу өсөн ҡырҡыла. Быны күреп, Мортон халыҡты күпләп ағас ултыртыуға сығырға өндәй. Ошонан һуң тәүҙә – Ағас көнө, унан инде Ер көнө билдәләнә башлай.
1970 йылдың 22 апрелендә иһә донъяла 20 миллиондан ашыу кеше ағас ултыртырға сыға. Ә 1990 йылда ул халыҡ-ара байрам булараҡ ҡабул ителә, сарала 141 илдән 200 миллион кеше ҡатнаша. Әйткәндәй, был көн хәҙер “Парктар маршы” тип ата­ла. Респуб­ли­кабыҙҙа ул 1996 йылдан башлап үткәрелә һәм тәбиғәтте һаҡлау буйынса төрлө сара­лар­ҙы үҙ эсенә ала: шишмәләрҙе, ҡырмыҫҡа иләүҙәрен, урмандарҙы таҙартыу, тәүге сәс­кәләрҙе һаҡлау, үҫенте ултыртыу.