Өфөләге “Башҡортостан” дәүләт концерт залында гүзәлдәр көс һынашты. “Һылыуҡай-2015” республика матурлыҡ бәйгеһендә төп бүләкте Йылайыр районынан Илнара Үтәшева яуланы.

Әле һылыуҡай Санкт-Петербург дәүләт аграр университетында бе­лем ала. Күгәрсен районынан Зәлиә Яппарова беренсе урынға, Салауат районынан Гөлшат Манапова менән Магнитогорскиҙан Светлана Кожаринова – икенсе, Ишембайҙан Гөлназ Ильясова, Баймаҡтан Илнара Рах­ман­ғолова һәм Өфөнән Диана Мө­хәмәт­йәнова өсөнсө урынға лайыҡ булды.
Бәйгелә ҡатнашыусылар, матур­лыҡ һәм сәхнәлә үҙ-үҙеңде тотоу һәләте­нән тыш, башҡорт теле, әҙә­биәте, республикабыҙ мәҙәниәте буйынса белемен дә күрһәтте. Һы­нау­ҙарҙың берәүһе Әҙәбиәт йылына арналды.