Башҡортостан инвалид балаларҙы уҡытыу өсөн белем биреү ойошмалары асыуға федераль ил ҡаҙнаһынан субсидия бүленгән төбәктәр иҫәбенә инде.

Волга буйы федераль округы төбәктәре араһынан беҙҙең республика иң күп аҡса — 152 миллион 652 мең һум аласаҡ. Ошо көндәрҙә Рәсәй Хөкүмәте Премьер-министры Дмитрий Медведев тейешле бойороҡҡа ҡул ҡуйҙы. Субсидия алыусылар исемлегенә 82 төбәк инә, ярҙамдың дөйөм күләме — 3 миллиард һумдан ашыу.
Хөкүмәттә билдәләүҙәренсә, был аҡса дөйөм белем биреү мәктәбе асыуға, мәғариф усағында ҡаршылыҡһыҙ уңайлы мөхит булдырыуға, махсус уҡыуға, реа­билитациялауға, компьютер ҡорамал­дары, автотранспорт менән йыһазлан­дырыуға тотонолорға тейеш.