28 апрелдә Өфөлә Башҡортостан халыҡтары ассамблеяһының
III съезы уҙғарыла.

Ойошма республикала йәшәгән милләт вәкилдәренең рәсми теркәлгән 30-ҙан ашыу милли-мәҙәни йәмғиәтен берләш­терә. Уның төп бурыстарының береһе – власть органдары менән милләт-ара мөнә­сәбәттәрҙе камиллаштырыуға, Баш­ҡортос­танда тыныслыҡты һәм татыулыҡты һаҡ­лап ҡалыуға йүнәлтелгән һөҙөмтәле һөйләшеү алып барыу.
Башҡортостан халыҡтары ассамблеяһы Советы рәйесе Әхәт Мостафин әйтеүенсә, уҙғарыласаҡ съездың программаһы киң һәм төрлө.
– Ассамблеяның Уставына үҙгәреш инде­рергә теләйбеҙ. Әле Советта бер рәйес эш итһә, киләсәктә тиң хоҡуҡтарға һәм бурыс­тарға эйә булған өс рәйестәш һайланасаҡ. Улар Башҡортостанда йәшә­гән төп өс халыҡты сағылдырыр, моға­йын, – тине ул.
Съезда Ассамблея Советының яңы сос­тавы һайланасаҡ. Форумда ҡатнашыу­сы­лар милли-мәҙәни үҙәктәрҙең халыҡ ижады күргәҙмәһе, яңы китаптар, белем биреү программалары менән дә таны­шасаҡ.