Юл хәрәкәте хәүефһеҙлеге буйынса кәңәшмә-практикумда район мәғариф идаралығы белгестәре, дөйөм белем биреү учреждениелары етәкселәре, мәктәп автобустарының водителдәре, ЮХХДИ инспекторҙары, хеҙмәтләндереүсе ойошмалар вәкилдәре ҡатнашты.

Сара барышында юл хәрәкәте хәүеф­һеҙлеген тәьмин итеү, уҡыусыларҙы мәк­тәпкә йөрөтөү мәсьәләләре тикшерелде. Дәүләт инспекцияһы, “Баштелематика” пред­приятиеһы вәкилдәре республика һәм Туймазы районы юлдарында фажиғәләргә, имгәнеүҙәргә бәйле хәл, мәктәп автобустарын ГЛОНАСС ҡу­лай­ламаһы һәм тахографтар менән йыһаз­ландырыу хаҡында һөйләне.
Туймазы районында 68 ауылдан 26 мәк­тәп автобусы 716 уҡыусыны белем усағына алып бара һәм өйгә ҡайтарып ҡуя. Транспорт сараларының барыһы ла төҙөк, та­лаптарға яуап бирә. Йылына ике тапҡыр улар техник тикшереү һәм хеҙмәтләндереү үтә. Машиналарға ГЛОНАСС һәм тахограф ҡуйылған. Водителдәр ҙур эш тәжрибәһенә эйә, юлға сығыр алдынан көн һайын медицина тикшереүе үтә.