Башҡортостан парламентарийҙары төҙөлөш объекттарын файҙаланыуға тапшырыу ғәмәлен ябайлаштырырға тәҡдим итте.

Торлаҡ сәйәсәте һәм инфраструктура үҫеше комитеты ултырышында депутат Герман Трунов “Рәсәй Ҡала төҙөлөшө кодексының 54-се статьяһына үҙгәрештәр индереү тураһында”ғы Федераль закон проектына ҡағылышлы яңылыҡ менән таныштырҙы. Яңы объекттағы эш барышын республиканың Торлаҡ һәм төҙөлөш күҙәтеүе буйынса дәүләт комитеты кон­трол­дә тота. Төҙөүсе йортто тапшырғанда иһә закондың яңы нормалары ғәмәлгә инеп өлгөрә, объектҡа ҡарата бөтөнләй башҡа талаптар ҡуйыла. Ошоға бәйле депутаттар бинаны сафҡа индереү ғәмәлен ябайлаш­тырырға, өлкәләге коррупция күренешен бөтөрөргә тәҡдим итә. Герман Трунов әйтеүенсә, закон проекты эксперт советы тарафынан ҡаралды, уны Өфөләге ҙур төҙөлөш ойошмалары ла хупланы.