Дүртөйлө районы республикабыҙҙа инде нисәнсе йыл ауыл хужалығы тармағында алдынғылыҡты бирмәй, бүтәндәргә өлгө күрһәтә. Бындағы хужалыҡтар – төбәктең даны ла, ғорурлығы ла.

Ленин исемендәге ауыл хужалығы етеш­те­реү кооперативы – шуға асыҡ миҫал. Уның етәксеһе, Башҡортостандың атҡаҙанған ауыл хужалығы хеҙмәткәре Альберт Дәүләт­баевтың һүҙҙәренә ҡарағанда, әгәр бөгөн ба­ҫыуға төшөргә тиһәләр, был мөһим эште шунда уҡ башлар ине уңғандар. Оҙайлы ҡыш­та техника яҡшы итеп ҡаралған, яғыу­лыҡ-майлау материалдары тулыһынса хәс­тәр­ләнгән, орлоҡ етерлек тупланған. Ҡыҫ­ҡа­һы, хужалыҡ сәсеүгә әҙер. Әйткәндәй, Альберт Рафаэль улы эшсәндәр Айрат Сәр­үәровты, Илфир Хәмиҙуллинды, Ришат Гә­рәевте, Ирек Зариповты, Салауат Ғима­ловты, Илдар Ҡоҙа­ҡаевты, Рәмил Дәүләтбаевты тик ыңғай яҡтан маҡтап телгә алды.
Хужалыҡ Һыуыҡҡул, Үткен, Йүкәлекүл, Ат­һө­йәр, Мәмәдәл бригадаларына бүленгән. “Ошо ысул үҙен аҡлай, – ти рәйес. – Биш бри­га­да­ның барыһында ла бригадирҙар бар, һәр бере­һе ышаныслы һәм үҙ бурысына яуаплы ҡарай”.