Республика Хөкүмәте 2015 йылға “Башҡортостан Республикаһында бәләкәй һәм урта эшҡыуарлыҡ субъект­тарын үҫтереү һәм уларға ярҙам күрһәтеү” дәүләт программаһына үҙгәрештәрҙе раҫланы.

Эшҡыуарлыҡ һәм туризм буйынса дәүләт комитеты программаны төбәк ҡаҙнаһынан бүленгән 73,8 миллион һум һәм федераль бюджеттан йәлеп ителгән 300,2 миллион һум иҫәбенә тормошҡа ашырасаҡ. Быйылғы программаның үҙен­сәлеге – ҡайһы бер финанс ярҙамы төрҙәрен тергеҙеү. Ундайҙарға яңы эш башлаған йүнселдәргә лизинг договоры буйынса тәүге иғәнәне ҡаплауға грант биреү, лизинг түләүҙәренең бер аҙын, күр­гәҙмә-йәрминкә сараларында ҡатнашыуға, белем биреү хеҙмәттәре өсөн түләүгә бәйле әүәлге тотонолған аҡсаны кире ҡайтарыу, шулай уҡ ойошмаларҙың бәлә­кәй һәм урта эшҡыуарлыҡты үҫтереү проекттарына ҡағылышлы сығымдарының бер өлөшөн субсидиялау инә. Тәжрибә-конс­трукторлыҡ эшен башҡарыу, Бәләкәй биз­нестың инвестиция башланғыстарына булышлыҡ итеү фондын төҙөү менән бәйле сығымдарҙы ҡаплау кеүек яңы ярҙам төрҙәре ғәмәлгә индерелде.