Башҡортостан Хөкүмәте йортонда республика Башлығы Рөстәм Хәмитов Бөйөк Ватан һуғышында Еңеүҙең 70 йыллығына әҙерләнеү һәм уны байрам итеү буйынса ойоштороу комитетының сираттағы ултырышын үткәрҙе. Унда Башҡортостан Хөкүмәте ағзалары, министрлыҡтар һәм ведомстволар етәкселәре, шулай уҡ йәмәғәт ойошмалары вәкилдәре ҡатнашты.

– Ветерандарҙы торлаҡ менән тәьмин итеү буйынса өҫтәмә саралар күрелгән. Был йәһәттән Хөкүмәткә ғариза бирҙек, – тине төбәк етәксеһе. – Ветерандарҙы торлаҡ ме­нән тәьмин итеү өсөн 1,5 миллиард һумға яҡын аҡса бүле­нә­сәк, был тағы 1 173 кешенең торлаҡ шарт­тарын яҡшыртырға мөмкинлек бирә­сәк. Йәш быуында илһө­йәрлек тойғоһо тәрбиәләүгә лә ҙур иғ­ти­бар бирергә кәрәк. Бының өсөн Хәтер вахтаһы, конферен­циялар үткәреү зарур. Эҙәрмән­дәр отрядта­ры­ның эшен билдәләп үтке килә. Йыл һа­йын улар төрлө яҡтарға сыға. Хә­бәр­һеҙ юғал­ғандар исемле­гендә Баш­ҡорт­ос­тандан 125 мең һал­дат бар. Улар­ҙың исемен тер­геҙеү – ҙур эш. Еңеү көнөндә республика­ның төрлө тарафтарынан баш ҡалаға 300-ҙән ашыу ве­те­­ран киләсәк. Уларҙы лайыҡ­лы ҡаршы­лап, оно­толмаҫ байрам үткәреү – беҙҙең төп бурыс.
Үҙ тармағында атҡарылған эштәр бу­йын­са төбәк етәксеһе алдында төрлө ведомство һәм министрлыҡ вәкилдәре отчет тотто.