“Башавтотранс” предприятиеһы ШОС һәм БРИКС саммиттарын транспорт йәһәтенән хеҙмәтләндереүҙең берҙәм операторы буласаҡ.

Делегация ағзаларын һәм дәүләт башлыҡтарын йөрөтөүгә Өфөлә 200-ҙән ашыу автобус бүленә. Улар ҡунаҡтарҙы тимер юл вокзалында һәм аэропортта ҡаршылай. Аккредитация­ланған журналистарҙы ҡунаҡхананан халыҡ-ара матбуғат үҙәгенә тиклем шаттл маршруттары илтеп ҡуясаҡ. Саммиттарҙа ҡатнашҡан делегация­ларҙың журналистары микроавто­бустарҙан файҙаланасаҡ.