“TopTripTip — Рәсәй буйлап сәйәхәт” мобиль ҡушымтаһындағы “Башҡортостан Республикаһы” киҫәге ШОС һәм БРИКС халыҡ-ара саммиттары уңайынан яңыртыласаҡ һәм тулыландырыласаҡ.

“Өфө-2015” ШОС һәм БРИКС офис-төркөмө менән Башҡортостандың Турист-мәғлүмәт үҙәге араһында ошо турала рәсми килешеү төҙөлдө. Нәшриәт бизнесының тап ошо вәкилдәре генә “Башҡортостан Республикаһы” киҫәгендә түләүле нигеҙҙә төрлө объекттар хаҡында мәғлүмәт урынлаштырыу хоҡуғына эйә.
Һуңғы ваҡытта реклама биреүселәргә аҡса түләп теге йәки был мәғлүмәтте урынлаштырырға тәҡдим итеүсе ойошмалар әүҙемләште. ШОС һәм БРИКС саммиттары айҡанлы Өфөлә төбәк тураһында махсус китаптар нәшер ителмәйәсәк. “TopTripTip — Рәсәй буйлап сәйәхәт” мобиль ҡушымтаһында иҫтәлекле урындар, тәбиғәт объекттары, турист маршруттары, аудиоэкскурсиялар һәм башҡалар тураһында белешмә алырға мөмкин. Саммит ҡунаҡтарына карта бушлай биреләсәк.