Экологик тигеҙлектең боҙолоуы менән бергә ер йөҙөндә сүллектәр ҙә киңәйә, һәм шул арҡала климат үҙгәрә. Йөҙҙән ашыу илдең был проблема менән йөҙгә-йөҙ осрашыуы һәм миллионлаған кешенең ошо сәбәпле иҡтисади, социаль һәм экологик яҡтан ҙур ҡыйынлыҡтар кисергәне билдәле.

Үҫемлектәрҙе төрлө маҡсатта юҡ итеү ер һәм ер аҫты һыуҙарына туранан-тура тәьҫир итә. Һөҙөм­тәлә шишмәләр ҡорой, дым кәмей, ямғыр яумай, тупраҡ ярыла, уны ел осора. Тәжрибә уҙғарыуҙа, рудник һәм юлдар асыуҙа ҡулланылған шартлатҡыстар тирә-яҡ мөхиттә газ, тоҙ йыйылыуға килтерә. Былар барыһы ла зарарлы газ күләмен арттыра, үҫемлек, хайуан, кеше сәләмәтлегенә кире йоғонто яһай.
Шулай уҡ һуғыштарҙа ҡулла­ныл­ған ҡоралдар ҙа ергә зарар кил­терә. Уларҙан сыҡҡан газ, нур һәм бәрелештәр үлән келәмен бо­ҙоп, хәтфә яландарҙы юҡ итеп, һауа температураһының тотороҡ­һоҙло­ғона сәбәпсе булып, экологик һә­лә­кәткә юл аса. Климат үҙгә­реш­тәрен кеше ҡулы менән генә туҡ­татыу бик ҡыйын булып күренһә лә, вәхши­лектән баш тартыу, һәр нә­мә­не аҡыл менән ҡулланыу ере­беҙҙең именлеген тәьмин итеүгә ышаныслы аҙым булыр.