Бөгөн республиканың барлыҡ почта бүлексәләрендә 2015 йылдың икенсе яртыһына ваҡытлы матбуғат баҫмаларына яҙылыуҙың төп осоро башлана.

Рәсәй почтаһы тарафынан ҡайһы бер гәзиттәрҙе ташыу хаҡы былтырғы кимәлдә ҡала. Ҡарар федераль, шулай уҡ төбәк гәзит­тәренә ҡағыла. Ҡайһы бер баҫма­ларға ташыу тарифы былтырғы инфляция кимәленән түбәнерәк индексациялана.
Матбуғатҡа яҙылыу компанияһы осоронда сараларҙы тормошҡа ашырыуға Рәсәй поч­таһы 700 миллион һум самаһы йүнәлткән. Был аҡса нәшриәттәр һәм халыҡ өсөн ташламалар биреүгә тотонола.