Баш ҡалала башҡорт телендә донъя күргән Инжил китабы менән таныштырыу сараһы уҙғарылды. Рәсәй Фәндәр академияһының Өфө ғилми үҙәгендәге Тарих, тел һәм әҙәбиәт институтында ойошторолған “түңәрәк өҫтәл”дә яңы баҫма хаҡында һүҙ барҙы.

Башҡорт телендәге етди ғилми хеҙмәт Рәсәйҙең Инжилде тәржемә итеү институты тарафынан әҙерләнгән. Әле баҫма Тарих, тел һәм әҙәбиәт институтында рецензиялан­ған һәм хуплау тапҡан. Автор­ҙарҙың феке­рен­сә, китап уҡыусыларға Инжил тексын тәрәнерәк һәм ентеклерәк өйрәнеү мөмкин­леген бирәсәк. Ул рухи, әхлаҡи-тәрбиәүи, ғилми-тикшеренеү эшмә­кәрлеге менән шө­ғөлләнгән кешеләрҙең барыһына ла фай­ҙалы буласаҡ, диндәр араһында бәйләнеште нығытырға бу­лыш­лыҡ итәсәк.