Туймазы районында “Еңеү урманы” тигән социаль акция иғлан ителде. Бындай башланғысты Туймазы урмансылығы етәксеһе Рафаил Фәррәхов тәҡдим итте.

Еңеүҙең юбилей йылында теләге булған һәр кеше Бөйөк Ватан һуғышында ҡатнашҡан атай-олатайҙары иҫтәлегенә ағас йәки тотош аллея ултырта ала. Ошо маҡсатҡа урмансы­лыҡ ҡарамағындағы биләмәлә махсус участкалар бүленгән. Уның хеҙмәткәрҙә­ре ха­лыҡ­ты ҡарағай үҫентеһе менән тәьмин итәсәк. Сара тәжрибәле урмансылар етәксе­легендә апрель-май айҙарында ойошторола.
Бөйөк Ватан һуғышы йылдарында Туймазынан 30 мең самаһы кеше фронтҡа киткән. 15 мең һалдат һәм офицер Тыуған илебеҙҙең азатлығын һәм бойондороҡ­һоҙ­лоғон һаҡлап башын һалған.