Башҡортостандың Үҙәк һайлау комиссияһы рәйесе Хәйҙәр Вәлиев дәүләт ҡарамағындағы һәм уға бәйле булмаған махсус учреждениеларҙа даими йәшәгән, шулай уҡ ваҡытлыса урынлаштырылған инвалидтарҙың тауыш биреүен ойоштороу йәһәтенән тәжрибә уртаҡлашты.

Хәйҙәр Арыҫлан улы Рәсәй Үҙәк һайлау комиссияһының илдәге инвалидтар йәмә­ғәт ойошмалары менән бәйләнеше буйынса эш төркөмө ултырышында сығыш яһаны. Сара һайлау комиссиялары менән видеоэлемтә режимында үтте. Рәсәйҙең Үҙәк һайлау комис­сияһы рәйесе, эш төр­көмө етәксеһе Владимир Чуров ултырышта ҡатнашыусыларҙың иғтибарын ин­ва­лид­тар­ҙың һайлау хоҡуғын тәьмин итеү йәһә­тенән тәү сираттағы бурыстарға йү­нәлтте.
Кәңәшмәлә “Бөтә Рәсәй инвалидтар йәм­ғиәте”нең Башҡортостан республика ойош­ма­һы рәйесе Олег Ротов та ҡат­наш­ты. Уға Вла­димир Чуровтың рәхмәт һүҙ­ҙәре еткерелде, “Перспектива” республика гәзи­тенә киң мәғлүмәт саралары бәйге­һен­дә икенсе урын яулағаны өсөн Үҙәк һайлау комиссия­һының дипломы һәм иҫтәлекле бүләк тапшырылды.