Өфөлә көтөлгән ШОС һәм БРИКС саммиттарында ҡатнашыусыларҙың сәләмәтлеген тиҫтәнән ашыу медицина ойошмаһы табиптары хәстәрләйәсәк.

Бындай учреждениелар араһында Ғ.Ғ. Ҡы­уатов исемендәге республика клиник дауа­ханаһы, 2-се Республика клиник дауаханаһы, Кардиология үҙәге, 4-се Йо­ғошло ауырыуҙар, Ашығыс медицина ярҙамы, баш ҡаланың 21, 13, 18-се клиник дауаханалары, Ашығыс медицина ярҙамы станцияһы, Өфөнөң күҙ ауырыуҙары ғилми-тикшеренеү институты бар. Саммит­тарҙы медицина-санитария йәһәтенән тәь­мин итеү буйынса ойоштороу комитетының Һаулыҡ һаҡлау министрлы­ғында уҙға­рыл­ған ултырышында һүҙ ошо турала барҙы. Ойоштороу комитеты ағзалары әҙерлек мәсьәләләрен, атап әйткәндә, санитария-гигиена, профилактика һәм эпи­демияға ҡаршы саралар ойоштороу пла­нының үтәлешен тикшерҙе.