Рәсәй Президенты Владимир Путиндың 23 марттағы Указына ярашлы, “Башҡортостан” гәзитенең биҙәлеш мөхәррире, Башҡортостандың атҡаҙанған матбуғат һәм киң мәғлүмәт хеҙмәткәре, Башҡортостандың һәм Рәсәйҙең Журналистар союзы ағзаһы, республикала иғлан ителгән исемле йылдарҙың етәүһенең эмблемалары авторы Нәсих Хәлисов “Рәсәй Федерацияһының атҡаҙанған мәҙәниәт хеҙмәткәре” тигән юғары наградаға лайыҡ булды.


Нәсих Хөббөтдин улының үҙенсәлекле һәләте, оҫталығы, бай тәжрибәһе – милли баҫ­мабыҙҙы юғары баҫҡыста тот­ҡан терәк-таяныстарҙың бе­ре­һе. Хеҙмәт бурысына иф­рат яуаплы ҡараған биҙәлеш мөхәррире эшен бөтөн күңелен һалып, еренә еткереп үтәй. Уның үҙе төшөр­гән, шулай уҡ архивында туплай бар­ған төрлө фото­һүрәт­тәрен бергә йыйһаң, республикабыҙ тари­хының йылъ­яҙ­маһы хасил була. Ысын кисе­рештәр менән һуға­рылған был хеҙ­мәт емештәре­нең гәзит кенә түгел, ә тотош төбәгебеҙ өсөн ҡиммәте баһа­лап бөткө­һөҙ.
Юғары награда уңайынан тәүге ҡотлау те­лег­раммаһы килеп тә төш­тө: Нәсих Хөббөт­дин улын Дәүләт Думаһы депута­ты Сәлиә Мыр­ҙа­­ба­е­ва тәб­рикләгән. “Республика һәм ил мән­фәғә­тен­дәге тырыш хеҙ­мәтегеҙ ҙур ихтирамға, таны­лыуға лайыҡ, – тиелгән унда. – Һеҙгә һаулыҡ, эшегеҙҙә уңыш­тар теләйем”.
Беҙ ҙә Нәсих Хөббөтдин улын мәртәбәле исем алыуы менән ихлас күңелдән ҡот­лай­быҙ. Ижад ҡанаттарың талма­һын, артабан да еңеүҙәрең менән һөйөндөрөп тор, хеҙмәт­тәшебеҙ!