Рәсәй Хөкүмәте 1,103 күләмендәге индексация коэффициентын раҫланы. Был яңылыҡ 3,7 миллион кешегә, шул иҫәптән 3 миллион пенсионерға ҡағыласаҡ.

1 ап­рел­дән социаль пенсияның уртаса күләме — 777 һумға, инвалид балалар­ҙыҡы — 1069, инвалид хәрби хеҙмәт­кәр­ҙәрҙеке — 1095, хәрби бурыс үтәгән кешенең вафат булыуы сәбәпле балаларына түләү 924 һумға арта. Һуғышта имгәнеү һөҙөм­тә­һендә инвалид булып ҡалған кешеләрҙең, Бөйөк Ватан һуғышы ветерандарының уртаса пенсия күләме 1248 һәм 1193 һумға үҫәсәк.
Бер үк ваҡытта ҡайһы бер башҡа түләү­ҙәрҙең дә артыуы күҙаллана. Мәҫәлән, “Рәсәй Федерацияһы алдындағы айырым ҡаҙаныштары һәм махсус хеҙмәте өсөн граждандарҙы өҫтәмә матди тәьмин итеү тураһында”ғы Федераль законға ярашлы билдәләнгән аҡсаның уртаса күләме 1482 һумға үҫеүе ихтимал.