Быйылғы ҡыш йылы булһа ла, ҡар күпләп яуҙы, өҫтәүенә тупраҡ дымлы. Шуға синоптиктар Башҡортостандағы йылға-күлдәр үткән йылдар менән сағыштырғанда боҙҙан иртәрәк асылыр тип күҙаллай.

– Республикала ташҡынға бәйле хәл тото­роҡ­ло, әммә уға әҙерлек буйынса саралар тулыһынса атҡарылырға тейеш, – тине Баш­ҡорт­остан Хөкүмәте Премьер-министры урын­баҫары Марат Мәһәҙиев республиканың ташҡынға ҡаршы, ғәҙәттән тыш хәлдәр һәм янғын хәүефһеҙлеген тәьмин итеү комиссиялары ултырышында.
Яҙын һыу һаҡлағыстарҙы һыу менән тәь­мин итеп өлгөрөү – көнүҙәк мәсьәләләрҙең бе­ре­һе. Гидротехник ҡоролмаларҙың хәүефһеҙ­ле­генә килгәндә, уларҙың күбеһе ремонт та­лап итә, ҡайһы берҙәренең хатта хужаһы юҡ.
Республикала 41 муниципаль берәмеккә ҡараған 258 ҡала-ауылдың, 80 мең кеше йәшәгән 20 меңдән ашыу йорттоң һыу аҫтында ҡалыу ихтималлығы бар.
Ташҡынды “ауыҙлыҡлау” өсөн 10 меңдән ашыу кеше, 2 меңдән күберәк техника, 100-ҙән ашыу йөҙөү ҡоролмаһы әҙер.

А. ӘХМӘТОВА.