“Фотоғәйепләү” рубрикаһында донъя күргән “Хата төҙәтеү дауам итә” исемле яҙмала (23 ғинуар, 2015 йыл) башҡортса дөрөҫ яҙылмаған алтаҡталарҙың фотоһүрәте бирелгәйне. Баш ҡала хакимиәте дәғүәгә битараф ҡалманы.

“Три кита” сауҙа үҙәге (адресы – Ибраһимов бульвары, 88) етәкселегенә алтаҡталағы яҙыуҙы төҙәтеү талабы белдерелде, – тиелгән Совет районы хакимиәтенән килгән хатта. – Уның үтәлеше контролгә алынды. Сауҙа үҙәгенең алтаҡтаһы алмаштырылғас, редакцияға өҫтәмә хәбәр ебәрербеҙ”.
Орджоникидзе районы хакимиәте лә “Линия любви” ювелир салонының (адресы – Беренсе Май урамы, 18) алтаҡтаһы алмаштырыласағы хаҡында белдерҙе. “Яңыһы 1 Майға тиклем әҙер буласаҡ, – тиелә хатта. – Башҡарылған эш тураһында өҫтәмә мәғлүмәт бирербеҙ”.