Телевидениеға нимә булды?!20.03.2015
Тамашасылар йотлоғоп ҡараған һәм ябай халыҡ ҡатнашлығында ойошторолған “Телеүҙәк”, “Ҡайтайым ауылыма”, “Арыҫлан” ир-егеттәр клубы” кеүек тапшырыуҙар ниңәлер юҡҡа сыҡты.
Аталған программаларҙың урынына “Хиромант” фильмы, “Ҡорамға юл” тапшырыуы ҡуйылды. Әйткәндәй, “Хиромант”ты бар федераль каналдар ҙа бер нисә тапҡыр эфирға сығарҙы, Митрополиттың вәғәздәре лә башҡаларында йыш күрһәтелә.
Бер тапшырыуҙың да эфирға мәңгелеккә килмәүе, уның үҙгәреп, алмаштырылып тороуы яҡшы аңлашыла, тик был аҙымдың халҡыбыҙ мәнфәғәтенә, үҫешенә бәйле булырға тейешлеге лә көн кеүек асыҡ.