Бөйөк урыҫ яҙыусыһы Валентин Распутин вафат булыу сәбәпле, Башҡортостан Башлығы Рөстәм Хәмитов ҡайғы уртаҡлашты.

Яҙыусының улы Сергей Валентинович, Рәсәй Яҙыусылар союзы идараһы рәйесе Валерий Ганичев исеменә ебәрелгән телеграм­ма­ла төбәк етәксеһе, “һүҙ оҫтаһы, Баш­­ҡортос­тандың оло дуҫы, Аксаков пре­мия­һы лауреаты Валентин Григорьевич Распутиндың арабыҙҙан китеүе тураһын­дағы хәбәр йөрәктәребеҙҙе тәрән тет­рәндерҙе”, тип билдәләне.
Республика халҡы исеменән Рөстәм Хә­митов Валентин Распутиндың туғандарының һәм яҡындарының, уның сағыу талантын яратҡан бар­лыҡ кеше­ләр­ҙең ҡайғыһын ур­таҡлашты. “Мәшһүр яҙыусы, сағыу публицист, ысын ҡа­һар­ман, бөтә йө­рәге һәм кү­ңеле менән Тыуған ил яҙмышы өсөн янып-көйгән шәхес миллиондарса кеше өсөн ғәйәт ҙур әхлаҡи көс символы булып тора. Валентин Григорьевичтың бай рухи мираҫы ватандаш­тарының хәтерендә мәңге һаҡланыр”, – тиелә телеграммала.