Башҡортостандың һигеҙ предприятиеһы “Иң яҡшы тауарҙар һәм хеҙмәттәр — ГЕММА-2014” халыҡ-ара конкурсында еңеүгә өлгәште. Шуларҙың өсәүһе һаулыҡ һаҡлау өлкәһенә ҡарай. Улар — “Дуҫлыҡ” балалар шифаханаһы, “Медсервис” яуаплылығы сикләнгән йәмғиәте һәм “Сәләмәтлек шишмәһе” шифахана-профилакторийы.

Шулай уҡ Благовещен тимер-бетон заво­ды, “Дионис” компанияһы, “Волкодав” һаҡ агентлығы ла тауарҙарының юғары сифатын, яҡшы хеҙмәтләндереү кимәлен раҫланы. Республикабыҙҙан еңеүселәр араһында ике шәхси эшҡыуарҙың булыуы айырыуса ҡы­уаныслы хәл. Улар полиэтилендан әйбер етештереү һәм тышҡы реклама менән шө­ғөлләнә.
2013 йылда Башҡортостандан алты еңеү­се ине. Уларҙы, нигеҙҙә, ауыл хужалығы һәм еңел сәнәғәт вәкилдәре тәшкил иткән. “Салауатбыяла”, Мәләүез һөт-консерва комбинаты, “Башҡортостан умарталыҡтары”, Ишембай трикотаж фабрикаһы, “Һинең Альбион” инглиз теле клубы төрлө йылдарҙа бәйгенең еңеүсеһе һәм лауреаты булған.