Зилә Янбулатова шиғыры Риф Бикбаев көйө

Булмаһын шул хаҡһыҙ юғалтыуҙар —
Ғашиҡтар гел бәхет кисерһен.
Һәр бер атҡан алһыу матур таңдар
Бар(ы)һына ла бәхет килтерһен.

Ҡушымта:
Ә йөрәк бит һаман ниҙер көтә,
Күңелдәрҙә йәшәй ышаныс.
Ышанысым йөрәк һағышынан
Бер мәл кисерерме ҡыуаныс.

Яҙмыш бүләк иткән бәхеттәрҙән
Ҡанаттарҙы кемдәр ҡайыра?
Яңғыҙлыҡтан ҡасыр тарафтар юҡ,
Яҙмыш беҙҙе үҙе айыра.

Ҡушымта шул уҡ

Тормош юлдары бик ҡатмарлы,
Яңғыҙ уны ауыр үтергә.
Булһын юлдаш иңде иңгә терәп,
Ғүмер юлын бергә үтергә.

Ҡушымта:
Ә йөрәк бит һаман һине көтә,
Күңелдәрҙә йәшәй ышаныс.
Ышанысым йөрәк һағышынан
Бер мәл кисерер ул ҡыуаныс.