Барыһы ла сағыштырыуҙа күренә11.03.2015
Гәзит уҡыусыбыҙ Хәмитйән Тимерғәлин редакцияға яҙыуынса, ул “Рено Меган” машинаһында эш буйынса ла, бүтән йомош менән сыҡҡанда ла йыш йөрөй.
“АИ-92” маркалы яғыулыҡты бакка тултырып ҡоям да елдерәм генә, 40 литр бензин өсөн кеҫәмдән 1 мең 248 һум сығарып һалам. Мәҫәлән, ошо тиклем яғыулыҡ Өфөнән Сибайға хәтлем етә. Бөтәһе лә сағыштырыуҙа күренә, тип юҡҡа ғына әйтмәгәндәр: “Башҡортостан” гәзитенә ярты йылға яҙылыу өсөн сама менән шунса аҡса түләргә кәрәк. Уның ҡарауы, алты ай буйы баҫма көн дә тиерлек йортома килә”, – тип фекерен ослай гәзит уҡыусыбыҙ.
Ысынлап та, бер уйлаһаң, 40 литр бензин нимә инде. Әгәр ошо сығымды рухи аҙыҡ туплауға йүнәлтһәгеҙ, һәр йәһәттән дә оторһоғоҙ. Хәтерегеҙгә төшөрәбеҙ: 31 мартҡа тиклем гәзит-журналға элекке хаҡ менән яҙылырға мөмкин. Был турала туған-тыумасағыҙға, күрше-күләнегеҙгә лә әйтеп йөрөгөҙ. 1 апрелдән иһә матбуғатҡа яҙылыу хаҡтары шаҡтай ҡиммәтләнәсәк. Уңайлы форсатты ҡулдан ысҡындырмайыҡ, туғандар!