Башҡортостан Хөкүмәте быйыл төбәктә биләмәләрҙе таҙартыу, төҙөкләндереү һәм йәшелләндереү буйынса экологик өмәләр ойоштороу тураһында бойороҡ сығарҙы.

Өмәләр 11 апрелдән 16 майға тиклем барасаҡ. Документҡа ярашлы, министр­лыҡтарға, дәүләт комитеттарына, ведомстволарға, район һәм ҡала хакимиәттәренә, төрлө ойошмаларға, профсоюз комитеттарына һәм башҡа йәмәғәт берекмәләренә ошондай саралар үткәреүҙе тәьмин итеү бурысы ҡуйылды. Биләмәләрҙе төҙөкләндереү, таҙартыу, йәшелләндереү эшенә йомғаҡ 8 июндә яһала.