Рәсәйҙең сит ил эштәре министры урынбаҫары Сергей Рябков БРИКС илдәре вәкилдәренә Өфөләге саммитҡа әҙерлек барышы, шулай уҡ төркөмдә Рәсәй рәйеслегенең өҫтөнлөктәре хаҡында мәғлүмәт бирҙе.

Тышҡы сәйәси ведомство башлығы урынбаҫары БРИКС илдәренең шерп һәм су-шерп ултырыштарында ҡатнашты. Сараларҙа ошо юҫыҡтағы хеҙмәттәш­лек­тең көнүҙәк мәсьәләләре тикшерелде.
Сит ил эштәре министрлығының белдереүендә әйтелгәнсә, берекмә илдәре вәкилдәренең бәйләнештәр графигы ла яраштырылды. БРИКС — йылдам үҫеүсе биш ил төркөмө. Уға Бразилия, Рәсәй, Һиндостан, Ҡытай һәм Көньяҡ Африка Республикаһы инә.