Уҡыусыбыҙ Өфө ҡалаһының Октябрь районына ҡараған Нуғай ауылында йәйәүлеләр өсөн уңайлы юл булмауына әсенеү белдергәйне. Еңел транспорттың да, йөк машиналарының да ағымы көндән-көн көсәйеүе сәбәпле, асфальттың емерелеүе ҡыуаныслы хәл түгел, әлбиттә.

Район етәкселеге иһә был мәсьәләгә тү­бән­дәгесә аңлатма бирә: “2002 йылдың 2 ма­йын­да­ғы 85-се “Төҙөлөш нормалары һәм ҡа­­ғи­ҙәләре”нең 1.1-се “Автомобиль юлдары” пунктына ярашлы, Нуғай ауылындағы тәүле­генә 200 машина үткәргән юл 5-се кате­горияға ҡарай. Ошонан сығып, был ер ара­уығына 4,5 метр киңлектә ҡырсынташ, тупраҡ түшәү талап ителә”. 2013 – 2014 йылдарҙа билә­мәнең кеше йәшәгән урамдарына таш йәйеү, Совет, Әхмәт Лотфуллин, Парк исем­леләрен асфальтлау, тигеҙһеҙ­лектәрҙе йүнә­теү эштә­ре башҡарылыуы, башланғыстың киләсәктә лә ошо юҫыҡта да­уам ителәсәге хаҡында әйтелә Октябрь районы хакимиәтенән килгән яуап хатында. Шулай ҙа уҡыусыбыҙҙың Һа­мар – Силәбе юлы­нан алып Нуғай ауылына тиклемге араның кис яҡтыртылмауы тура­һын­дағы борсоулы хәбәре ситләтелгән, уны хәл итеү ваҡыты тураһында мәғлүмәт бөтөнләй юҡ.