Өфөнөң 39-сы гимназияһында билдәле төркиәтсе, мәшһүр ғалим, тел белгесе, яҙыусы, профессор Жәлил Кейекбаев исемендәге IV республика туған телдәр фестивале уҙғарылды.

Башҡортостан менән ЮНЕС­КО араһындағы хеҙмәттәшлек тура­һындағы килешеүҙе тормош­ҡа ашы­рыуға ярашлы ойошто­ролған сараның маҡ­саты – уҡыусы­ларҙа туған телде өй­рә­неүгә ҡыҙыҡһы­ныуҙы арттырыу, халыҡ­тар араһындағы мәҙәни бәйләнеште үҫтереү.
Фестивалдә ЮНЕСКО-ның ассоциация­лы мәктәптәре, дуҫлыҡ клубтары уҡыусы­лары, 39-сы гимназияның “Киләсәк өсөн уҡытыу” халыҡ-ара проектын­дағы хеҙмәттәштәре, шулай уҡ ШОС һәм БРИКС илдәрендәге партнер мәктәптәр вәкилдәре ҡатнашты. Ошо илдәрҙең фәнен, мәҙә­ниә­тен, иҡтисадын үҫтереүгә тос өлөш индергән фиҙакәр шәхес­тәрҙең ижади һәм ғилми мираҫы менән дә таныштырыу ҙур ҡыҙыҡ­һыныу уятты.