Баймаҡтан Өфөгә юлланған саңғысылар менән даими бәйләнештәбеҙ. Был акцияны улар Бөйөк Еңеүҙең 70 йыллығына бағышлай.

“Баһадир” физкультура-һауыҡ­ты­рыу комплексы директоры, команда етәксеһе Илшат Хәмитов билдә­лә­үенсә, ауылдар аша үткәндә ха­лыҡ­тың уларҙы танып тороуы, те­ләк­тәшлек күрһәтеүе күңелгә дәрт өҫтәй, ҡанат­лан­дыра. Мәҫәлән, Ҡырмыҫҡалы районының Ҡамышлы ауылынан уҙып барышлай бер нисә кеше юл сатында сәләмләгән, уңышлы сәфәр теләп ҡул болғап ҡалған. Әйткәндәй, Түбәнге Төкөндән Яңы Троицкиға тура сыҡҡандар, унан Шәрипҡолға боролғандар. Ә инде Олокүл ауылы мәктәбендә Баймаҡ – Өфө саңғы марафонында ҡатнашыу­сыларҙы осрашыу көтә.
Әйткәндәй, Баймаҡ балалар-үҫмерҙәр спорт мәктәбендә саңғы буйынса тренер булып эшләгән Азат Сыңғыҙов командала – иң йәше. Ә Баймаҡ ауыл хужалығы колледжында физиканан уҡытҡан Хәйҙәр Моталлапов – иң олоһо.