“Мәғлүмәт ағымы”, “Ғаилә һәм әсәлек”, “Экология һәм туризм”, “Һин – эшҡыуар”, “Мин – депутат, йәки Ҡанундар сығарыу эшмәкәрлеге үҙенсәлектәре” кеүек көнүҙәк темалар буйынса фекер алышты Нефтекама ҡалаһында “ИнКамье” республика белем биреү форумында ҡатнашыусылар.

Сара ҡала хакимиәте һәм БДУ-ның Нефтекама филиалы менән берлектә ойошторолдо. Ошо темалар буйынса төплө һәм яңы мәғлүмәт менән был өлкәләрҙә уңышлы хеҙмәт иткән лекторҙар сығыш яһаны. Йыйында ҡат­на­шыусыларға “Торос” менән “Рубин” командалары араһындағы хоккей матчын ҡарау мөмкинлеге бирелде.
Йәштәрҙең ғилем, тәжрибә ҡеүәһен арттырыу маҡсатында ойошторолған йыйын икенсе йыл тағы ла киңерәк майҙан биләр тигән ышаныстабыҙ.