Ата-әсә наҙынан мәхрүм ҡалған бәләкәстәрҙе күреп, йөрәк әрнеп китә. Бер ғәйепһеҙ кескәйҙәрҙең күңелен саҡ ҡына йомшартып, йөҙҙәрендә йылмайыу күрер өсөн уларға ҙур булмаған бүләк эшләнек.

Башҡорт дәүләт университеты етәкселеге Хоҡуҡ инс­титу­ты һәм профсоюз ойош­маһы менән берлектә Чесноковка балалар йорто, Михайловка со­циаль приют тәрбиәләнеү­се­ләренә кино күрһәтеү ак­ция­һын ойошторҙо. Малай һәм ҡыҙҙар кинотеатрға тиклем махсус автобустарҙа ғына елдереп, тамаша алдынан фо­йе­ла тәмлекәстәр менән һый­ланды, төрлө йәнһүрәт геройҙары оҙа­тыуында күңел асты. Ак­ция­ла ҡатнашҡан ике коллектив та өҫтәл хоккейы уйыны менән бүләкләнде.
Үҙенсәлекле аралашыу кү­ңелдә йылы тәьҫораттар ҡал­дырғас, киләсәктә бындай са­ра­ларҙы йышыраҡ үткәрер­гә кәрәк тигән һығымта яһа­ныҡ.