Башҡортостанды күрергә килгән ҡунаҡты тәү сиратта ни ҡыҙыҡһындыра? Билдәле, республиканың дәүләт символдары, билдәле кешеләр, төбәктәге тәбиғәт ҡомартҡылары тураһында мәғлүмәт. Ә бына “Янғантау” шифаханаһы был йәһәттән бөтөнләй башҡа бүләге менән ҡыуандыра.
Ул – “Урыҫса – башҡортса һөйләшеү китабы”. Әсбапта башҡорт алфавиты, сә­ләм­ләү һүҙҙәре, ер-һыу исем­дәре, аҙна көндәре, ваҡыт, төрлө хәлдәрҙә аралашыу алымдары һәм башҡа көн­дәлек тормошта кәрәкле бихисап мәғлүмәт бирелгән. Китаптың төп әһәмиәте шун­да: ул шифаханаға килгән кешеләр күңелендә башҡорт теленә ҙур ҡыҙыҡһыныу уята. Әйткәндәй, күптәр әсбапты үҙе менән алып ҡайтып та китә.
Ғөмүмән, “Янғантау” ши­фа­ханаһы хакимиәте ифрат кәрәкле, файҙалы эш баш­ҡарған. Башланғысты бүтән ойошмалар ҙа күтәреп алһа, ҡайһылай һәйбәт булыр ине!