Республиканың һаулыҡ һаҡлау министры Әнүәр Бакиров белдереүенсә, былтыр 7 867 һуғыш ветераны дауаханала һаулығын нығытҡан.

Көндөҙгө стационарҙа дауа­лан­ған ҡарттар һаны 26 мең, шу­лар­ҙың 3 784-е – һуғыш ветераны һәм инвалиды. 6888-енә өйгә ки­леп ҡарау ойошторолған.
Бөгөн диспансер иҫәбенә 60 мең­дән ашыу ветеран алынған, улар араһында инвалидтар, тыл хеҙмәтсәндәре, тол ҡатындар, Ленинград блокадаһын кисергән­дәр, концлагерҙың бәлиғ булма­ған әсирҙәре бар.
Ветерандар күп осраҡта йөрәк-ҡан тамырҙары, ашҡаҙан-эсәк юлы, һөйәк-быуын ауырыуҙары менән мөрәжәғәт итә. 4 меңгә яҡын кеше – инвалид.
– Хаҡтарҙың артыуына ҡара­маҫтан, оло йәштәгеләрҙе кәрәк­ле дарыуҙар менән тәьмин итеү, медицина хеҙмәтләндереүен юға­ры кимәлдә атҡарыу мөһим. Вете­рандарға дауаханала ла, поликлиникала ла өйҙәгегә ҡара­ғанда ла йылыраҡ мөнәсәбәт булды­рылырға тейеш, – тип бел­дер­ҙе республика Башлығы Рөс­тәм Хәмитов.