Шамонин мәктәбендә Дәүләт Думаһы депутаты Иршат Фәхретдинов уҡыусылар менән осрашып, батырлыҡ дәресе үткәрҙе.
Ул үҙе – Афған һуғышында ҡатнашҡан яугир.

– Мәктәптәрҙә йыш булам. Һуңғы йыл­дарҙа егеттәр армияға барыу яғында, был мәсьәлә менән ҡыҙыҡһынғандар арта. Яҙ­мы­шын хәрби хеҙмәткә бәйләргә теләгәндәр ҙә күбәйә. Илһөйәрлек тойғоһо тәрбиәләгән бындай осрашыуҙар йәш быуын өсөн айы­рыу­са әһәмиәтле, – тип билдәләне Иршат Фәхретдинов.
Бынан тыш, депутат илдең оборонаға һә­ләтен үҫтереү мәсьәләһен күтәрҙе. Осрашыу аҙағында ул Шамонин мәктәбенә Калашников автоматын бүләк итте. Сара уҡыусылар әҙерләгән концерт менән тамамланды.