– Иптәш ҡыҙҙарымдың күбеһе ке­йәүгә сығып, хәҙер инде әсә булып бөттө. Ә мин һаман үҙ парымды таба алмайым. Иртән эшкә барам да кис арып ҡайтып инәм. Тиңдәш егеттәр менән ҡайҙа, нисек та­нышырға ла белмәйем, оялам. Ғүмергә шулай яңғыҙ ҡалыр­мын­мы икән?

НУРГӨЛ.

Бындай осраҡта һиңә, һылыу, юғалып ҡал­маҫҡа, ҡыҙыҡһыныуҙарыңды арттыр­ырға кәңәш итәбеҙ. Эш көнөнән һуң те­атр-кон­церттарға йөрөргә тырыш, яңы кеше­ләр ме­нән танышыу ҙа яҙыҡ булмаҫ. Әҙ генә буш ваҡытың килеп сыҡһа, дуҫ-туған­да­рыңа, мохтаждарға ярҙам ит, күңел йылы­һын өләш, кәйефтәрен күтәрергә ты­рыш. Һәр кемдең никах сәғәте үҙ ваҡытында һуғасаҡ. Ошо мәлгә тулыһынса әҙер булыр өсөн фай­ҙалы ғилем тупла, аш-һыу серҙә­ренә тө­шөн, ҡул эштәре менән шөғөллән, яҡты маҡсат менән йәшә. Һиңә иғтибар иткән егет­тәрҙе тәү күреүҙән үк кире ҡаҡма, аралашып ҡара, ҡыҙыҡһыныуҙары, уй-фекерҙәре менән та­ныш. Кешенең тышҡы ҡиәфәтенә ҡарап ҡына эш итмә, күңел байлығын тойомла.