Башҡортостандағы юғары уҡыу йорттарынан дүрт фән кандидаты Рәсәй Президенты гранттарын алды. Сараның төп маҡсаты – йәш ғалимдарҙың ғилми-тикшере­неү эштәренә дәүләт ярҙамы күрһәтеү.

Конкурста еңеүселәр араһынан Өфө дәүләт нефть техник университеты кафед­раһы доценты Әнүәр Вәлиев сәнәғәт биналарын һәм ҡоролмаларын вибрация емерелеүенән һаҡлау темаһы буйынса эшләй. Йәш ғалим полиуретандан яңы тирбәлеү изоляторы уйлап тапҡан. Грант аҡсаһын ҡоролманы артабан камиллаш­тырыуға йүнәлтергә ниәтләй.
Ошо уҡ университеттан Александр Кишаловтың эше лә техник һәм инженер фәндәре өлкәһендә дәүләт яҡлауына лайыҡ булды. Хеҙмәт һауа-реактив дви­гателдәрен проектлауҙы автоматлаш­тырыуға бәйле. Нефть университетынан йәнә бер белгес – доцент Андрей Воробьев – “Мәғлүмәт-телекоммуникация системалары һәм технологиялары” тигән проекты менән танылһа, БДУ-нан Айгөл Манапова математика һәм механика өлкәһенә ҡағылышлы хеҙмәтенә юғары баһа алды.
Рәсәй Президенты гранттары ғәмәли тикшеренеүҙәр уҙғарыуға киткән сығымды финанслау өсөн ике йылға иҫәпләнеп бүленә. Фән кандидатына бирелгән аҡса­ның күләме — йылына 600 мең һум, фән докторыныҡы иһә 1 миллион һум тәшкил итә.