Баш ҡалала “Ветеран менән селфи” акцияһы башланды. Ул Башҡортос­тан Дәүләт Йыйылышы – Ҡоролтай һәм уның ҡарамағындағы Йәштәр йәмәғәт палатаһы ярҙамында “Быуындар йөрәгендә – хәтер һәм ғорурлыҡ” федераль проектын тормошҡа ашырыу маҡсатында уҙғарыла.

Һәр кем ветеран менән төшкән фото­һүрәтен 1 июнгә тиклем Instagram, Facebook һәм ”Бәйләнештә” социаль сел­­тәр­ҙә­рендә урынлаштыра ала. Фото­һүрәттәрҙе #мойветеран билдәһе менән ебәрергә кәрәк. Яугирҙең йәки тыл эшсә­ненең исем-шәрифе, йәше, фо­то­ға төшкән урыны хаҡында мәғ­лү­мәт биреү ҙә мотлаҡ. Бынан тыш, ветерандың тормошонан ҡы­ҙыҡлы ваҡиғаларҙы, йәштәргә теләк­тәрен бәйән итеү зарур.
– Сара йәштәргә һуғышты үткән кешеләр менән аралашыу мөмкин­леген бирәсәк, – тип билдәләне акция авторы, Дәүләт Йыйылышы ҡарамағындағы Йәш­тәр йәмәғәт палатаһы ағзаһы Айгөл Телә­шева. – Был ветерандар өсөн дә бик мөһим.