Әҙәбиәт йылы уңайынан Үҙәк балалар-үҫмерҙәр китапханаһында Салауат Юлаев исемендәге премия лауреаты Камил Йыһаншин менән осрашыу булды.

Тамаша залына күбеһенсә йәштәр йыйылғайны, араларында “Алтын башаҡ” әҙәби берекмә ағзалары ла бар. Фойела һәр кемде китаптар, фоторәсемдәр күргәҙмәһе, Туймазы татар дәүләт театры артистары һынландырған әкиәт, әҙәби әҫәр геройҙары ҡаршы алды.
“Уҡыу – һәр саҡ модала” флешмобында ҡатнашҡан юридик колледж студенттары Әлиә Низамова менән Самат Ғәрәфетдинов, Мостай Кәримдең, Владимир Маяковскийҙың шиғырҙарын яттан һөйләп, барлыҡ ха­лыҡ­ты һоҡландырҙы. 1-се мәктәп уҡыусыһы Николай Нюркин, Антон Чеховтың “Алтын ма­лай”ын тасуири уҡып, залда­ғы­ларҙы көл­дө­рөп тә алды. 6-сы мәктәп уҡыусылары Әлфирә Бик­мәтова менән Наилә Миңлеханованың шиғырҙарын ят­тан һөйләне. Балалар музыка мәктәбендә шөғөл­ләнеүселәр кисәне йыр-моң менән би­ҙәне, ә сара аҙағында быйыл юби­лейҙарын билдә­ләйәсәк башҡорт әҙиптәре хаҡында видеоролик күрһәтелде.