Башҡортостан Ауыл хужалығы министрлығының матбуғат хеҙмәтенән хәбәр итеүҙәренсә, республикала аҙыҡ-түлек хаҡы Волга буйы федераль округында иң арзаны булып ҡала. Етештереүселәр һыйыр итенең килограмына уртаса – 185, сусҡаныҡына –180, тауыҡтыҡына 100,3 һум хаҡ ҡуя. Ә һыйыр ите Киров өлкәһендә – 205, Түбәнге Новгородта – 214 һум.
Башҡортостанда ондоң килограмы уртаса 17 һум 60 тин торһа, Киров өлкәһендә – 18 һум 5 тин. Бойҙай ононан бешерелгән икмәктең килограмы беҙҙә уртаса 35 һум 67 тин тәшкил итһә, Киров өлкәһендә – 38 һум 5 тин. Шулай уҡ бойҙай, фураж бой­ҙайы, һоло, арпа, ҡарабойҙай ҙа беҙҙә Пермь крайы, Түбәнге Новгород, Киров өлкәлә­рендәгегә ҡарағанда түбәнерәк.
Республикала август айынан аҙна һайын 615 сауҙа предприятиеһындағы 43 төрлө аҙыҡҡа мониторинг эшләнә. Хаҡты нигеҙһеҙ арттырыу осраҡтары хаҡында (347) 218-09-78 телефоны буйынса “ҡыҙыу линия”ға эш көндәрендә хәбәр итергә мөмкин.
Башҡортостандың аҙыҡ-түлек баҙа­рында хаҡты көйләү өсөн февралдең ял көндәрендә ауыл хужалығы йәрминкәләре ойоштороу хаҡында ҡарар ҡабул ителде.