Төбәктең ҙур предприятие һәм ойошмалары – республиканың башҡарма власть органдарына, бәләкәйерәктәре район һәм ҡала хакимиәттәренә беркетелде.

Предприятиелар исемлеге, тармаҡ­тар­ға, урынлашҡан ерҙәренә ҡарап, Баш­ҡорт­остан Хөкүмәтенең 2015 йылдың 26 ғин­уа­рында сыҡҡан 68-се бойороғона ярашлы Иҡтисади үҫеш министрлығы тарафынан төҙөлгән.
– Исемлеккә индерелгән ойошмаларҙың тулайым төбәк продуктын булдырыуға дөйөм йоғонтоһо күҙ уңында тотолдо. Бындай алым республиканың социаль-иҡти­сади үҫешен алдан билдәләү өсөн, бигерәк тә иҡтисади әүҙемлек һүлпәнәйгән осорҙа, бик ҡулай, – тип белдерҙе Баш­ҡорт­остандың иҡтисади үҫеш министры Александр Васильев.
2014 йылдың майынан бирле Башҡорт­останда сығарылған тауарҙарҙы күҙәтеү алып барыла, һәм ул сәнәғәт етештереүе индексын яҡынса иҫәпләүгә булышлыҡ итәсәк. Дәүләт көйләүе һәм ярҙамы шарттарын булдырыу ҙа – мониторинг маҡсаттарының береһе.