Ғүмерем буйы гәзит-журнал алдырып уҡыным. Тик һуңғы йылдарҙа почта хеҙмәт­ләндереүе насар кимәлдә булыуы арҡаһында матбуғатҡа яҙылыусылар кәмегәндән-кәмей. Мәҫәлән, «Башҡортостан» гәзитенең 9 ғинуар­ҙа сыҡҡан йома һанын 18 көн (!) үткәс кенә ҡулыма алыу бәхетенә өлгәштем. Дөрөҫөн әйткәндә, ауылыбыҙ почтальоны район үҙәге­нән ғинуарҙа сыҡҡан өс йома һанын алып ҡайтып бирҙе. Әйткәндәй, гәзит бик уҡымлы, һәр мәҡәлә менән рәхәтләнеп танышабыҙ.
Матбуғат баҫмаларын ваҡытында һәм теүәл алмаған халыҡ әкренләп уларҙан һыуына, шуға ла хәҙер гәзит-журналға яҙылыусыларҙы бар­маҡ менән генә һанарлыҡ.
Ҡыҫҡаһы, почта үҙ «хужалы­ғында» тәртип урынлаштырып, исмаһам, Әҙәбиәт йылында беҙҙе рухи аҙыҡтан мәхрүм итмәһен ине.